Thursday, 20 September 2012

മാനിഷാദാ...


മറ്റാരും കാണാതെ
റഫ്‌ നോട്ടിന്റെ
തിരുത്തലുകള്‍ക്കിടയിള്‍
സുഖമായിചുരുണ്ടുകൂടി
ഉറങ്ങിയതായിരുന്നു ‘കവിത’
ആരോ വന്ന് ആ പേജും പറിച്ച്
അത് ബ്ലോഗിനുള്ളില്‍
കുത്തികയറ്റി.
ആരൊക്കെയോ ചേര്‍ന്ന്‍ അതിനെ
കമന്റുകള്‍ കൊണ്ട് കുത്തി നോവിച്ചു.!
എന്നിട്ടും  മതിയാകാതെ
പതിനേഴുകാരിയുടെ നഗ്നത പോലെ
അതു ഷെയര്‍ ചെയ്തു.
പൊട്ടികരഞ്ഞ കവിതയെ
‘sad lines’ എന്നും പറഞ്ഞ്
ഒരു ബുദ്ധിജീവി ഫോര്‍വേര്‍ഡ് ചെയ്തു.
Inbox-ല്‍ പേരറിയാത്ത നമ്പറുകള്‍ക്കിടയില്‍
കവിത
പേടിച്ചു വിറച്ചു നില്‍ക്കുന്ന കണ്ടപ്പോള്‍
ആരോരും കാണാതെ റഫ്‌ നോട്ടില്‍
ബാക്കിയായ നാലഞ്ചു വരികള്‍
ആത്മഹത്യ ചെയ്തു...!!
    

Saturday, 31 March 2012

ആത്മഹത്യയിലേക്കുള്ള വഴികള്‍




















ആത്മഹത്യയിലേക്ക്‌ പല വഴികളുണ്ട് ...!!
ഇടനെഞ്ചില്‍ ബാധ്യതയും
കണ്ണീരും നിറഞ്ഞപ്പോള്‍
അപ്പന്‍ കാട്ടിത്തന്ന വഴി,
അമ്മയുടെ താലിയിലൂടെയുണ്ടൊരു വഴി,
ഒരുപാട് കയ്പ്പ്കുടിച്ച വഴി
മാറിലൂടെ....
പെങ്ങളുടെ അടിവയറ്റിലൂടെയുണ്ടൊരു വഴി..,
പ്രണയം ചോദിച്ചിട്ടു
ബീജം പകര്‍ന്ന് നല്‍കിയവന്‍
കാട്ടിക്കൊടുത്ത വഴി...,
അനുജനുണ്ടൊരു വഴി,
കൊടി പിടിച്ചു നടന്നപ്പോള്‍
ക്യാമ്പസിന്‍റെ ഇടനാഴികള്‍
കണ്ഡം പൊട്ടി പറഞ്ഞ് തന്ന വഴി
പ്രത്യയ ശാസ്ത്രത്തിന്‍റെ വഴി...,
ഇനി
എനിക്കുണ്ടൊരു വഴി.......!!
കടപ്പാടിന്റെ കണക്കില്‍ ബാക്കിയായ വഴി,
സൗഹൃദം പറഞ്ഞിട്ടും കേള്‍ക്കാത്ത വഴി,
പ്രണയത്തിന്‍റെ അര്‍ത്ഥം അറിയാത്ത വഴി,
ജീവിതം ഒറ്റയാനാക്കി തീര്‍ത്ത വഴി,
കിനാവ്‌ ബാക്കിയാക്കിയ കനല്‍വഴി,
മിസ്‌ കോളിലൂടെ....
മെസേജിലൂടെ....
ഇ-മെയിലിലൂടെ....
കണ്ണ് കെട്ടിയ വഴി,
ഒരു വഴി കൂടിയുണ്ട്....
കവിതയിലൂടെ ഒന്ന് കരയാനാവാത്ത വഴി...

Sunday, 25 March 2012

ശബ്ദം

പ്രതിഷേധം തെരുവില്‍നിന്നും മുഷ്ട്ടിച്ചുരുട്ടിയും,മുദ്രാവാക്യം വിളിച്ചും, അധികാര ദുഷ്പ്രഭുത്വത്തിനു മുന്നില്‍ നെഞ്ച് വിരിച്ച്
പ്രടിരോധത്തിന്‍റെ വന്മതില്‍ തീര്‍ക്കുവാന്‍ ഇന്നിന്റ്റെ യൗവ്വനം
അഹോരാത്രം പരിശ്രമിക്കുമ്പോള്‍, കൗതുകപ്പെട്ടിക്ക് മുന്നില്‍ 
കൂനിയിരുന്നു ലോകം കണ്ടുതീക്കുന്നവരെ ,
നിങ്ങളറിയുക............
blogലും   facebookലും    twitterലും  
വിയര്‍പ്പ് വീഴാതെ പ്രതിഷേധം അറിയിച്ചതുകൊണ്ട് 
കടമ നിറവേറ്റി എന്ന് അഹങ്കരികേണ്ട.........

ഇന്റര്‍നെറ്റ്‌ വല്‍കരണത്തിന്റെ പരുധിക്കുള്ളില്‍ ഇനിയും 
പൂതലിക്കാത്ത തലച്ചോറുമായി ഒരു പിടി  യൗവ്വനങ്ങള്‍കൂടി 
സമരോല്‍സുകതയുടെ മുഖ്യധാരയിലുണ്ട്..,
പിന്തിരിപ്പന്‍ മാധ്യമവും,കക്ഷി രാഷ്ട്രീയക്കാരനും,
കിണഞ്ഞു പരിശ്രമിച്ചിട്ടും പിടികൊടുക്കാതെ 
ഒരു ജനതയുടെ നല്ല നാളേക്കു വേണ്ടി 
സമര പോരാട്ടത്തിന്‍റെ രണാങ്കണങ്ങളിലിറങ്ങാന്‍ മടിയില്ലാത്തവര്‍,
ലാത്തി അടിയുടെ ചൂടും, ഇരുമ്പഴിക്കുള്ളിലെ 
അല്പനേരത്തെ നീറ്റ്ലിനെയും ഭയമില്ലാത്തവര്‍ ...
ജനാതിപത്യം പണാതിപത്യത്തിനു വഴിമാറുമ്പോള്‍..
കൂട്ടുകാരാ...........
ചങ്ങലച്ചുറ്റ്‌ വീഴാത്ത ഒരു പിടി ശബ്ദമെങ്കിലും 
നിന്‍റെ ചങ്കില്‍ കുരുക്കി വയ്ക്കണം...
നാളെയുടെ തലമുറയ്ക്ക് വഴികാട്ടാനൊരു ശബ്ദം.  

"റിയാലിറ്റി ഷോയില്‍ എലിമിനേഷന്‍ റൗണ്ട്
കണ്ടു അമ്മ കരയുമ്പോള്‍ 
അറിയാതെ 
ഞാനും കരഞ്ഞു പോകുന്നു..
എന്‍റെ അമ്മയുടെ 
'റിയാലിറ്റി ' നഷ്ടപ്പെട്ട് തുടങ്ങിയല്ലോ എന്നോര്‍ത്ത്.."
കണ്ണില്‍ എന്തെങ്കിലും വീണാല്‍ 
തിരുമ്മരുതെന്ന്
അമ്മയാണ് പറഞ്ഞു തന്നത് ,
എന്നിട്ടും 
നീ 
എന്‍റെ
കണ്ണിന്‍റെ
ഇടനാഴിയില്‍ വന്നിരുന്നപ്പോള്‍ 
ഞാനറിയാതെ തിരുമ്മിപ്പോയി ......!

Saturday, 4 February 2012

അത്രയെ ഉള്ളൂ കലാലയം...,


അതെ,
ഇത്രയേ ഉള്ളൂ കലാലയം....
ആദ്യത്തെ സൗഹൃദങ്ങള്‍,
കണ്ടും,ചിരിച്ചും
സൗഹൃദത്തിന്‍റെ മുഖം മൂടി...
പ്രണയാക്ഷരങ്ങള്‍ നെഞ്ചില്‍ ഏറ്റുവാങ്ങിയ
വാങ്ങിയ ഇടനാഴികളില്‍,
മണിക്കൂറുകള്‍ ചികയുന്നവര്‍...
ഒന്ന് നിറഞ്ഞു പൂക്കാന്‍ കൊതിച്ച,
ഗുല്‍മോഹര്‍ മരത്തിനു കീഴെ
പ്രണയം പറഞ്ഞു തീര്‍ക്കാന്‍
പെടാപ്പാട്‌ പെടുന്നവര്‍,
പിന്നെ
സെമസ്റ്റര്‍ ഇടവേളയില്‍
കെട്ടും,കരിഞ്ഞും പോയ
സൗഹൃദവും,പ്രണയവുംകൊണ്ട്
പടിയിറങ്ങേണ്ടിവരുന്നവര്‍,
അതുമല്ലെങ്കില്‍.............
വേണ്ട,
അത്രയെ ഉള്ളൂ
കലാലയം...,      

Saturday, 28 January 2012

ഇന്നിന്‍റെ മിശിഹ


ബാബേല്‍ നദികളുടെ തീരങ്ങളിലും, യെരിഗോ സമതലങ്ങളിലും,  മിസ്സൈലുകളാല്‍ തകര്‍ക്കപ്പെട്ട പിഞ്ചു കുഞ്ഞുങ്ങളുടെ ചാരത്തിരുന്ന്‍ അലമുറയിടുന്ന മാതാ-പിതാക്കളോട് അലരിവൃക്ഷങ്ങളില്‍ നിങ്ങള്‍ തൂക്കിയിട്ടിരിക്കുന്ന കിന്നരങ്ങളുടെത്ത് ഞങ്ങളുടെ സന്തോഷത്തിനായ് സീയോന്‍ ഗീതങ്ങള്‍ ആലപിക്കാന്‍ പറയുന്നവര്‍.,
ഗോലാന്‍ കുന്നുകള്‍ വിഷബോംബുകളാല്‍ തകര്‍ത്ത്,
മെസ്സപ്പോട്ടോമിയയുടെയും, ബാബിലോണിയയുടെയും  മാറുപിളര്‍ന്നവര്‍...
അഫ്ഗാന്‍ മരുഭൂമി  പ്രദേശങ്ങളില്‍ ഭക്ഷണത്തിനായി കൈനീട്ടിയ പിഞ്ഞുകരങ്ങളിലേക്ക് ബോംബെറിഞ്ഞു കൊടുത്തവര്‍...
മൂന്നാംലോകരാജ്യങ്ങളുടെ രക്തവും മാംസവും പകുത്തെടുത്തവര്‍...
അവര്‍ സമാധാനത്തിന്‍റെ വെള്ളരി പ്രാവുകളാനെന്നുപറഞ്ഞു നോബേല്‍ സമ്മാനങ്ങളും കീര്‍ത്തിമുദ്രകളും നല്‍കുന്ന 
ഒരു കാലമാണിത്...
അവര്‍ സമാധാനത്തിന്‍റെ പുതിയ മിശിഹാമാരാകുന്ന കാലം......!!  

Friday, 27 January 2012

രക്തസാക്ഷി...

അതിഭീകരമായ  എതിര്‍പ്പുകളെയും, ആക്രമണങ്ങളെയും ,അതിജീവിച്ച് ചോരച്ചാലുകള്‍ താണ്ടി ത്യാഗസുരഭിലമായ ഇന്നലകളെ അടയാളപ്പെടുതിയവനാണ് 
രക്തസാക്ഷി...
മഹാദുരിതത്തിലമര്‍ന്ന മനുഷ്യന്‍റെ സങ്കടങ്ങള്‍ക്ക്  അറുതി വരുത്തുവാന്‍ എല്ലാകെട്ടുപാടുകളും പൊട്ടിച്ചെറിഞ്ഞുകൊണ്ട് നെഞ്ചുക്കോടെ നിവര്‍ന്നു നിന്ന്  ഏവര്‍ക്കും  ദിശാബോധവും ഊര്‍ജവും പകര്‍ന്നുനല്‍കുവാന്‍ ശ്രമിച്ചവന്‍ 
ധീര രക്തസാക്ഷി...           


അതിജീവനം

അതിജീവനം അമ്മ കാണിച്ച തന്‍റെടമാണെങ്കില്‍, 
പട്ടിണി കിടന്ന അച്ചനെയാണെനിക്കിഷ്ടം..
അതിജീവനം തെരുവിലുയര്‍ന്ന സമരവും,വെടിവെയ്പ്പുമാണെങ്കില്‍,
ഒന്നും പറയാതെ പോയ രജനിയെയാണെനിക്കിഷ്ടം..
അതിജീവനം ശിശിരത്തില്‍ കൊഴിയാതെ പോയ ഇലയാണെങ്കില്‍,
വസന്തത്തില്‍ വിരിയാത്ത പൂവിനെയാണെനിക്കിഷ്ടം ..,
അതിജീവനം  സുള്ല്യയിലും സ്വര്‍ഗ്ഗയിലും പെയ്ത വിഷ മഴയിലും ജീവിച്ചവരാണെങ്കില്‍,
അവിടെ പിറക്കാതെ പോയ ഭ്രൂണത്തെയാണെനിക്കിഷ്ടം ..,

അതിജീവനം സോമാലിയയിലെ ആവേശമാണെങ്കില്‍,

കണീര് വറ്റിയവനെയാണെനിക്കിഷ്ടം..,
അതിജീവനം രാഷ്ട്രീയം മറന്ന കലാലയമാണെങ്കില്‍,
തെരുവില്‍ കിട്ടുന്ന ലാത്തി അടിയുടെ ചൂടാണെനിക്കിഷ്ടം..,
അതിജീവനം അവിവാഹിതരായ അമ്മമാരെ ഉണ്ടാക്കുന്നുവെങ്കില്‍,
മുലപ്പാലിന്‍റെ  കൈപ്പാണെനിക്കിഷ്ടം..,
അതിജീവനം ന്യായാധിപന്‍ പറയുന്ന വിരോധഭാസമാണെങ്കില്‍,
കേട്ട ക്യുബയിലെ ചെ-ഗുവേരയെയാണെനിക്കിഷ്ടം..,
അതിജീവനം കൂത്തുപറമ്പില്‍ കിട്ടിയ രക്തസാക്ഷികള്‍ ആണെങ്കില്‍ ,
വെടിയൊച്ച നിലയ്ക്കാത്ത ബൊളീവിയ  ആണെനിക്കിഷ്ടം..,
അതിജീവനം ഇടവപ്പാതിയില്‍ ചുരുണ്ടുകിടന്ന മഴപാറ്റയാണെങ്കില്‍,
ചിറകു കരിഞ്ഞു ചത്തതിനെയാണെനിക്കിഷ്ടം...!!   
എത്രമേല്‍ നിനക്കെന്നെ സുക്ഷിച്ചു വയ്ക്കാനാവും, അത്രമേല്‍ ഒരിക്കലുമാവില്ലെനിക്കു നിന്നെ...
നിങ്ങള്‍ ചോദിക്കുന്നു,
എന്തുകൊണ്ടാണ് അവന്‍റെ കവിത
ഇലകളെയും, കിനാവുകളെയും, 
ജന്‍മനാട്ടിലെ കൂറ്റന്‍ അഗ്നിപര്‍വ്വതങ്ങളെയും,
 കുറിച്ച സംസാരികതത്ത് 
വരൂ,ഈ തെരുവുകളിലെ രക്തം കാണൂ 
വരൂ,കാണൂ ഈ തെരുവുകളിലെ രക്തം 
വരൂ,രക്തം കാണൂ ഈ തെരുവുകളിലെ രക്തം ...   

Thursday, 26 January 2012

എട്ടാമത്തെ അത്ഭുതം


അവരെന്നോട് 
ചൈനയിലെ വന്‍മതിലിനെപ്പറ്റിയും,
ബുര്‍ജ് ദുബൈയെപ്പറ്റിയും ചോദിച്ചു.
അത്ഭുതങ്ങള്‍ !!
ഞാന്‍ പറഞ്ഞു എനിക്ക് 
സോമാലിയയിലെ വിശപ്പ്‌ തിന്നുന്നവരെ അറിയാം 
അതും ഒരത്ഭുതമല്ലേ .....?? 

സൗഹൃദമേ നീ എന്നോട് 
പിണങ്ങില്ലയെങ്കില്‍
ഇവളെ ഞാനെന്‍റെ
പ്രയിനിയെന്നു വിളിച്ചോട്ടെ ...?



പൂവിനെ സ്നേഹിച്ചു മുള്ള് സമ്പാദിച്ച
പാവം മനുഷ്യക്കുരുന്നെ  ....
സ്നേഹിച്ചതിന്‍ ശിക്ഷയാണീകിനാവുകള്‍    
ദ്രോഹിപ്പതെപ്പോഴും നിന്നെ .....






ഇതെന്‍റെ അടയാളമാണ് .,
നക്ഷത്രവും, ജാതകവും ,
മേല്‍വിലാസവും ഇല്ലാത്ത 
ജീവിചിരുന്നവന്‍റെ അടയാളം ...!!
                    -പവിത്രന്‍ തീക്കുനി 

Tuesday, 24 January 2012

ഒരു തൊട്ടാവാടി സ്പര്‍ശം


ഇത്രമേല്‍ നിനക്ക് ഞാന്‍ പ്രിയപ്പെട്ടവനായിരുന്നിട്ടും 
എന്തിനെന്‍ സ്പര്‍ശനത്തെ  ഇത്രമേല്‍ വെറുക്കുന്നു....